Полицијата во Дебар привела 31-годишен маж кој учествувал во сообраќајна незгода, а потоа било утврдено дека управувал возило без положен возачки испит.
Од МВР информираат дека на 24 август во 19:30 часот, полициски службеници од ОВР Дебар го лишиле од слобода Б.Б. (31) од Дебар.
Претходно, на крстосницата на улиците „Јосиф Багери“ и „Веби Дирба“ во Дебар, тој со патничко возило „пежо“ со струшки регистарски ознаки учествувал во сообраќајна незгода.
При преземените мерки било утврдено дека Б.Б. го управувал возилото без да има положено возачки испит. По насоки на јавен обвинител, возилото било одземено.
По целосното документирање на случајот, против 31-годишникот ќе биде поднесена кривична пријава по член 297-а од Кривичниот законик, за кривично дело „безобѕирно управување со моторно возило“.
