Полициски службеници во Тетовско лишиле од слобода 36-годишен жител на Бозовце, откако било утврдено дека учествувал во сообраќајна незгода додека управувал возило без возачка дозвола.
Од МВР информираат дека на 9 август околу 8:35 часот, на влезот во село Шипковица, Р.Р. со автомобил „Тојота“ со тетовски регистарски ознаки учествувал во сообраќајна незгода.
При преземањето на мерки било констатирано дека тој го управувал возилото без да поседува возачка дозвола.
Р.Р. бил лишен од слобода во 11:35 часот од страна на полициски службеници од Полициската станица за безбедност на патниот сообраќај Тетово. Возилото било одземено.
По целосното документирање на случајот, против него ќе биде поднесена пријава по член 297-а од Кривичниот законик.
