Возел без возачка низ Тетово – полицијата му го одзеде автомобилот и го приведе

Шеесетгодишен жител на тетовското село Вратница е лишен од слобода откако бил затекнат како управува автомобил без да поседува возачка дозвола.

Од СВР Тетово информираат дека на 9 јули околу 09:40 часот, полициски службеници од Полициската станица за безбедност на патниот сообраќај Тетово, на улицата „Маршал Тито“ запреле патничко возило „Опел“ со тетовски регистарски ознаки, управувано од Љ.С. (60) од село Вратница.

— реклама —

— реклама —

При извршената контрола било утврдено дека возачот не поседува возачка дозвола, по што бил лишен од слобода согласно член 297-а од Кривичниот законик.

— реклама —

Возилото е одземено, а по целосното документирање на случајот против лицето ќе биде поднесен соодветен поднесок.