Гостиварската полиција приведе 36-годишен жител на селото Вруток, кој по предизвикана сообраќајна незгода го напуштил местото на настанот, а при полициската проверка било утврдено дека управувал возило без возачка дозвола.
Од Министерството за внатрешни работи информираат дека лицето Ф.И. (36) било лишено од слобода на 2 јули од страна на полициски службеници од Полициското одделение за безбедност на патниот сообраќај Гостивар.
Според полицијата, тој управувал патничко возило „Фолксваген Кеди“ со гостиварски регистарски ознаки и по сообраќајната незгода го напуштил местото. Набргу потоа бил пронајден од полициските службеници, при што било утврдено дека возел без возачка дозвола.
По насоки на јавен обвинител, возачот е приведен, а возилото е одземено. По целосното документирање на случајот, против него ќе биде поднесен соодветен поднесок.
