Дваесет и едногодишен жител на Прилеп бил лишен од слобода откако полициски службеници утврдиле дека управувал мопед без да поседува возачка дозвола.
Од СВР Битола информираат дека на 12 јули околу 20:20 часот, на улицата „Прилепски бранители“ во Прилеп, полициски службеници од ОВР Прилеп извршиле сообраќајна контрола, при што сопреле мопед управуван од М.А. (21) од Прилеп.
При проверката било констатирано дека возачот не поседува возачка дозвола, по што бил лишен од слобода.
По целосно документирање на случајот, против него ќе биде поднесен соодветен поднесок.
