Дваесет и осумгодишен жител на Боговиње е лишен од слобода откако без возачка дозвола управувал мопед и учествувал во сообраќајна незгода во Тетово.
Од СВР Тетово информираат дека на 6 јули, околу 17:45 часот, на кружниот тек меѓу булеварите „Илинденска“ и „Маршал Тито“, полициски службеници од Полициската станица за безбедност на патниот сообраќај го лишиле од слобода Ј.Б. (28) од село Боговиње.
Според полицијата, тој управувал мопед со скопски регистарски ознаки без да поседува возачка дозвола и претходно учествувал во сообраќајна незгода.
За случајот бил известен јавен обвинител, по чии насоки мопедот е одземен, а по целосното документирање на настанот против лицето ќе биде поднесен соодветен поднесок.
