Полициски службеници од ОВР Гостивар привеле 48-годишен жител на населбата Циглана во Гостивар, откако при сообраќајна контрола било утврдено дека управувал мопед без да поседува возачка дозвола.
Како што соопшти СВР Тетово, на 8 јули во 18:20 часот на улицата „Беличица“ во Гостивар бил запрен мопед со гостиварски регистарски ознаки, управуван од Х.И. (48).
При извршената проверка, полициските службеници констатирале дека возачот не поседува возачка дозвола.
Тој бил лишен од слобода и задржан во Полициската станица во Гостивар, а по целосното документирање на случајот ќе биде поднесен соодветен поднесок.
