Возел мотор со 1,93 промили алкохол и забрана за возење – приведен 32-годишник од Ресен

Триесет и двегодишен жител на ресенското село Јанковец е лишен од слобода откако бил затекнат како управува мотоцикл под дејство на алкохол, иако имал активна забрана за управување со моторно возило.

— реклама —

Како што соопшти Министерството за внатрешни работи, на 5 јули во 20:55 часот, на градскиот плоштад во Ресен, полициски службеници од ОВР Ресен при сообраќајна контрола запреле мотоцикл со охридски регистарски ознаки, управуван од К.Н. (32) од село Јанковец.

— реклама —

— реклама —

При алкотестирањето било утврдено дека возачот имал 1,93 промили алкохол во крвта. Дополнително, полицијата констатирала дека тој управувал мотоцикл и покрај тоа што имал активна мерка забрана за управување со моторно возило.

— реклама —

По целосното документирање на случајот, против него ќе биде поднесен соодветен поднесок.