67-годишен жител на светиниколското село Кадрифаково бил лишен од слобода откако со автомобил излетал од патот, а полицијата утврдила дека возел без важечка дозвола и под дејство на алкохол.
Од ОВР Свети Николе информираат дека на 2 септември во 16:13 часот, полициски службеници го лишиле од слобода Д.Б. (67) од Кадрифаково. Претходно, тој со патничко возило „Форд“ со штипски регистарски ознаки, кое го управувал во селото, излетал надвор од патот.
При преземањето мерки било утврдено дека возел со 2,09 промили алкохол во крвта. Дополнително, Д.Б. не поседувал важечка возачка дозвола, а сообраќајната дозвола на возилото била со истечена важност.
На местото бил извршен увид, а за случајот бил известен јавен обвинител. По целосното документирање на настанот, против 67-годишникот ќе следува соодветна пријава.
