Возел пијан и учествувал во сообраќајна незгода во Дебреше, измерени 1,58 промили алкохол

Полицијата привела 45-годишен жител на гостиварското село Дебреше, откако било утврдено дека учествувал во сообраќајна незгода управувајќи возило под дејство на алкохол.

— реклама —

Според информациите од МВР, на 2 ноември во 14:15 часот, полициски службеници го лишиле од слобода Е.М., при увид на претходно случена сообраќајна незгода на локален пат во селото.

— реклама —

— реклама —

При проверките било утврдено дека 45-годишникот управувал патничко возило „форд“ со гостиварски регистарски ознаки со 1,58 промили алкохол во крвта.

— реклама —

По целосно документирање на случајот, против него ќе биде поднесена соодветна пријава.