СВР Тетово соопшти дека на автопатот Тетово–Скопје е лишен од слобода 21-годишниот Е.Х. од Прилеп, откако бил затекнат како управува возило со значително поголема брзина од дозволената.
При сообраќајна контрола, полициските службеници сопреле „фолксваген голф“ со прилепски регистарски ознаки, при што било утврдено дека возилото се движело со 182 километри на час на дел од патот каде што дозволената брзина е ограничена на 100 км/час.
По документирање на случајот, против возачот ќе биде поднесена соодветна пријава.
