Охридчанец на возраст од 32 години е лишен од слобода откако полицијата го затекнала како управува возило под дејство на алкохол со 1,80 промили во крвта.
Од МВР информираат дека Б.Х. бил запрен на 26 август во 12:35 часот на булеварот „7 Ноември“ во Охрид, при редовна контрола на патниот сообраќај. Тој управувал патничко возило „сеат“ со струшки регистарски ознаки.
Алкотестирањето покажало присуство на 1,80 промили алкохол во крвта, по што 32-годишникот бил лишен од слобода.
По насоки на јавен обвинител, возилото е одземено. По целосното документирање на случајот, против Б.Х. ќе биде поднесена кривична пријава по член 297-а од Кривичниот законик, за „безобѕирно управување моторно возило“.
