Возел со 2,41 промили алкохол – охриѓанец остана без автомобил и заврши во полиција

Четириесет и седумгодишен жител на Охрид е лишен од слобода откако бил затекнат како управува автомобил под силно дејство на алкохол.

— реклама —

Од СВР Охрид информираат дека на 9 јули, околу 18:39 часот, при сообраќајна контрола на магистралниот пат Охрид–Подмољје, полициски службеници запреле патнички автомобил „фиат“ со охридски регистарски ознаки, управуван од С.С. (47).

— реклама —

— реклама —

При извршеното алкотестирање било утврдено дека возачот имал 2,41 промили алкохол во крвта. Поради тоа, тој бил лишен од слобода, а возилото му било одземено.

— реклама —

По целосното документирање на случајот, против него ќе биде поднесена кривична пријава за кривичното дело „безобѕирно управување со моторно возило“ по член 297-а од Кривичниот законик.