Возел со 2,92 промили алкохол во крвта и предизвикал сообраќајка во Тетово, приведен 66-годишник

66-годишен тетовец е лишен од слобода откако бил затекнат како управува возило со 2,92 промили алкохол во крвта и учествувал во сообраќајна несреќа.

— реклама —

Според МВР, случајот се случил на 29 септември во 5:20 часот на кружниот тек меѓу улиците „Благоја Тоска“ и „Борис Кидрич“ во Тетово.

— реклама —

— реклама —

Полициските службеници го лишиле од слобода Д.Н. (66) од Тетово, кој управувал патничко возило „цитроен“ со тетовски регистарски ознаки. При извршеното алкотестирање било утврдено дека во крвта имал 2,92 промили алкохол.

Возилото било одземено, а од МВР информираат дека по целосното документирање на случајот против 66-годишникот ќе следуваат соодветни поднесоци.