Речиси три промили алкохол во крвта му биле измерени на 39-годишен жител на Скудриње, кој бил запрен при сообраќајна контрола во Дебар.
Од МВР информираат дека на 4 септември во 17 часот, на улицата „Елена Ѓика“ во Дебар, полициски службеници го лишиле од слобода С.Р. (39) од селото Скудриње, општина Маврово и Ростуше.
Тој управувал автомобил „Форд“ со дебарски регистарски ознаки, а при контролата било утврдено дека во крвта има 2,98 промили алкохол.
Возачот веднаш бил исклучен од сообраќај, а по целосното документирање на случајот против него ќе биде поднесена кривична пријава по член 297-а од Кривичниот законик, за „Безобѕирно управување со моторно возило“.
