Возела без дозвола и предизвикала сообраќајка, 24-годишна жена приведена, возилото одземено

24-годишна жена била лишена од слобода во Гостивар откако, управувајќи возило без возачка дозвола, учествувала во сообраќајна незгода, информира МВР.

— реклама —

На 29 септември во 19:10 часот, полициски службеници од Полициското одделение за безбедност на патниот сообраќај Гостивар ја лишиле од слобода В.Ѓ. (24), со престојувалиште во Тетово, во близина на угостителски објект во Гостивар.

— реклама —

Според МВР, таа управувала патничко возило „Фолксваген голф“ со тетовски регистарски ознаки без да поседува возачка дозвола, а потоа учествувала во сообраќајна незгода, при што се здобила со телесни повреди.

— реклама —

Жената е лишена од слобода поради основано сомнение за сторено кривично дело „безобѕирно управување со моторно возило“, предвидено во член 297-а од Кривичниот законик.

Возилото било одземено, соопшти МВР.