Возеле без дозвола, па останале без возилата: Приведени двајца возачи

Полицијата привела двајца возачи во одделни случаи во Тетовско и Гостиварско, откако биле затекнати како управуваат возила без соодветна возачка дозвола.

— реклама —

На 4 октомври во 18:05 часот, на улицата „Маршал Тито“ во Тетово, полициски службеници од Полициската станица за безбедност на патниот сообраќај Тетово го лишиле од слобода Б.Ш. (40) од селото Рогле.

— реклама —

Тој бил затекнат како управува автомобил „ауди“ со скопски регистарски ознаки без положен возачки испит. Возилото му било одземено, а по документирањето на случајот ќе следува соодветен поднесок.

Истиот ден, во 11:25 часот, во селото Неготино, Гостиварско, полициски службеници од Полициското одделение Галате ја лишиле од слобода Г.А. (34) од село Врапчиште.

— реклама —

При сообраќајна контрола таа била затекната како управува автомобил „рено“ со гостиварски регистарски ознаки без возачка дозвола. И во овој случај возилото било одземено.

МВР информира дека по целосното документирање на двата случаи против лицата ќе бидат поднесени соодветни поднесоци.