Возеле без дозвола, пијани или со забрана: 15 лица приведени во едно деноноќие

Во текот на изминатото деноноќие, на територијата на целата држава, полициски службеници лишиле од слобода 15 лица поради сомнение за сторено кривично дело „безобѕирно управување со моторно возило“ по член 297-а од Кривичниот законик.

— реклама —

Од приведените, осум лица управувале моторно возило без возачка дозвола, меѓу кои и четири малолетници. Четири лица биле фатени како управуваат возило под дејство на алкохол.

— реклама —

Едно лице управувало возило и покрај активна забрана за управување, едно возело без возачка дозвола и под дејство на алкохол, додека едно лице управувало возило под дејство на алкохол и покрај активна забрана.

Од Министерството за внатрешни работи информираат дека по целосното документирање на случаите, против лицата ќе бидат поднесени соодветни кривични пријави.

— реклама —

МВР апелира до сите учесници во сообраќајот доследно да ги почитуваат сообраќајните правила и прописи и да не управуваат моторно возило без возачка дозвола, под дејство на алкохол или доколку имаат изречена забрана за управување.

— реклама —

„Одговорното однесување во сообраќајот е заедничка обврска и клучен предуслов за поголема безбедност на сите граѓани“, наведуваат од МВР.