Возеле без положен испит, пијани или со забрана – 11 лица уапсени

Во изминатото деноноќие, полициски службеници на различни локации низ Македонија лишиле од слобода 11 возачи поради безобѕирно управување со моторно возило, согласно член 297-а од Кривичниот законик.

— реклама —

Меѓу приведените, петмина управувале возило без положен возачки испит. Станува збор за С.А. (63), М.М. (20) од селото Лисец, Тетовско, Е.Д. (28) од Штип, Ф.А. (62) од Радовиш и С.М. (36) од селото Ораовица, Радовишко. Последниот управувал и нерегистрирано возило, а бил и под дејство на алкохол.

— реклама —

Тројца возачи биле затекнати под дејство на алкохол – В.М. (38) од Прилеп, Р.Г. (56) од селото Инџиково, Скопско, и Б.П. (44) од Охрид, кој претходно учествувал во сообраќајна незгода со материјална штета.

— реклама —

Двајца возачи, А.Б. (25) од селото Вирче, Делчевско, и Љ.Д. (56) од Струга, управувале возила и покрај активната забрана за управување. Р.В. (34) од Радовиш, пак, бил затекнат како вози со брзина поголема од дозволената.

— реклама —

Од МВР информираат дека по целосно документирање на случаите ќе бидат поднесени соодветни кривични пријави. Министерството апелира до возачите да ги почитуваат сообраќајните правила и да не управуваат возило без положен возачки испит, под дејство на алкохол или за време на изречена забрана.