Возеле без возачка, под алкохол и со двојно поголема брзина – уапсени 11 лица

Во текот на изминатото деноноќие, на различни локации низ државата, полициски службеници лишиле од слобода 11 возачи поради сторено кривично дело „безобѕирно управување возило“ по член 297-а од Кривичниот законик.

— реклама —

Од нив, деветмина биле лишени од слобода затоа што управувале возило без положен возачки испит. Станува збор за В.Г. (64) од с. Моштица, Ѓ.Б. (60) од Долно Караслари, Б.М. (49) од с. Неготино, 15-годишник од с. Сиричино, О.А. (27) од с. Пешталево, Н.Н. (43) од Гевгелија, 17-годишник, М.Ј. (23) и С.А. (24), сите тројца од Скопје.

Кај С.А. било утврдено и дека управувал под дејство на алкохол.

— реклама —

Поради управување возило под дејство на алкохол од слобода бил лишен и М.Г. (64) од Делчево.

— реклама —

Од слобода бил лишен и Е.А. (23) од с. Ѓермо, затоа што управувал со брзина двојно поголема од дозволената.

Од МВР информираат дека по целосното документирање на случаите ќе бидат поднесени соодветни кривични пријави.

Од полицијата апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или под дејство на алкохол, како и да ја прилагодат брзината според сообраќајните знаци, со цел заеднички да се придонесе за побезбеден сообраќај.