Возило излетало од патот Гургурница–Стенче, двајца повредени

Тешка сообраќајна несреќа се случила на локалниот пат меѓу селата Гургурница и Стенче во тетовско, при што едно лице се здобило со тешки телесни повреди, а друго било повредено.

— реклама —

Според информациите од МВР, несреќата била пријавена на 4 октомври во 10:20 часот во СВР Тетово. Патничко возило „лада нива“ со тетовски регистарски ознаки, управувано од 57-годишниот С.Ј. од село Долно Седларце, излетало од патот.

— реклама —

— реклама —

Во несреќата тешки телесни повреди добил возачот, додека неговиот 21-годишен сопатник А.Ј., исто така од Долно Седларце, се здобил со телесни повреди. Повредите биле констатирани во Клиничката болница во Тетово.

— реклама —

Увид на местото на несреќата извршила увидна екипа од СВР Тетово.