Возило излетало од патот и се превртело на Стража, двајца повредени

Возач е тешко повреден, а неговата сопатничка се здобила со телесни повреди во сообраќајна несреќа на магистралниот пат Гостивар–Кичево, на превојот „Стража“.

— реклама —

Од МВР информираат дека несреќата била пријавена на 25 септември во 20:20 часот во ОВР Кичево. Патничко возило „форд“ со кичевски регистарски ознаки, управувано од Д.С. (54) од Кичево, излетало од патот и се превртело.

— реклама —

— реклама —

Во несреќата со тешки телесни повреди се здобил возачот, додека неговата 48-годишна сопатничка С.С. од Кичево се здобила со телесни повреди. Повредите биле констатирани во Медицинскиот центар во Кичево.

На местото на несреќата бил извршен увид од увидна екипа од ОВР Кичево.