Возило се запалило по удар во кучиња и метални браници на патот Охрид–Кичево, возачот загинал

Едно лице го загубило животот во тешка сообраќајна несреќа што се случила синоќа на магистралниот пат Охрид–Кичево, откако патничко возило излетало од коловозот и се запалило.

— реклама —

Според информациите од Министерството за внатрешни работи, несреќата се случила околу 23:30 часот, кога возило „Хјундаи гец“ со охридски регистарски ознаки удрило во кучиња скитници, а потоа во металните браници покрај патот. По ударот, возилото се запалило.

— реклама —

Пожарот бил изгаснат од екипа на Територијалната противпожарна единица Охрид. Во возилото било пронајдено телото на починатиот возач.

— реклама —

По наредба на јавен обвинител, телото е предадено во Судска медицина за обдукција и за утврдување на идентитетот на починатото лице.

— реклама —

На местото на несреќата бил извршен увид од јавен обвинител и увидна екипа од СВР Охрид. Поради увидот, сообраќајот на магистралниот пат Охрид–Кичево бил пренасочен по регионалниот пат Охрид–Струга.