Возило удри 93-годишен пешак во Скопје, тешко повреден

Деведесет и тригодишен пешак е тешко повреден во сообраќајна несреќа што се случила на 1 април околу 12 часот во Скопје.

— реклама —

Како што информира МВР, несреќата се случила на крстосницата меѓу улиците „Иван Хаџиниколов“ и „Јанко Митиќ“, кога патничко возило „фолксваген туран“ со скопски регистарски ознаки, управувано од М.Ш.(37) од село Студеничани, удрило во пешакот Б.А.(93) од Скопје.

— реклама —

Во несреќата, пешакот се здобил со тешки телесни повреди, кои биле констатирани во ЈЗУ „Св. Наум Охридски“ во Скопје.

— реклама —

Увид на местото на настанот извршила увидна екипа од СВР Скопје.