(Вознемирувачко видео) Бугарска новинарка сакаше да постави прашање, обезбедувањето ја турна на тротоар во Софија

Новинарка завршила во болница по инцидент со припадник на обезбедувањето на претседателката на бугарското Народно собрание, Михаела Доцова, во Софија. Случајот предизвика остри реакции во Бугарија, а надлежните институции најавија проверка на постапувањето на службеникот.

Станува збор за новинарката Соња Колтуклиева, која се обидела да ѝ постави прашање на претседателката на парламентот додека таа се наоѓала во службен автомобил.

— реклама —

View this post on Instagram

На видеоснимката што се прошири на социјалните мрежи се гледа како Колтуклиева ја отвора вратата на автомобилот, по што припадник на Националната служба за обезбедување физички ја турка. Новинарката паѓа на тротоарот.

— реклама —

Според информациите објавени во бугарските медиуми, Колтуклиева по инцидентот била пренесена во болница со повреди. Засега нема дополнителни информации за нивната тежина.

— реклама —

Случајот предизвика политички реакции, а беа упатени и барања за оставка на претседателката на Народното собрание, Михаела Доцова.

Националната служба за обезбедување наредила итна проверка за да се утврдат околностите под кои се случил инцидентот и дали службеникот постапил во согласност со своите овластувања.

За случајот е известено и надлежното Воено обвинителство.

Инцидентот отвори прашања за границите на постапувањето на службеното обезбедување кон новинарите, особено при обиди за поставување прашања на високи државни функционери.