Фотографијата е речиси неподнослива, но на брутален начин ја прикажува драмата на мигрантите на границата помеѓу Мексико и САД. Татко и ќерка се удавиле во водите на Рио Гранде во обид да стигнат во САД. На фотографијата се гледаат прегрнати татко и неговата 23 месечна ќерка од Ел Салвадор, кои завршиле трагично додека се обидувале да ја преминат реката Рио Гранде и да влезат во Тексас.
Фотографијата е направена пред неколку дена, а на неа се 26 годишниот оскар Рамирез и неговата двегодишна ќерка Валерија. Семејството Рамирез пристигнало во Мексико во неделата, надевајќи се дека ќе добијат азил во САД. Но кога сфатиле дека процесот би траел предолго, се одлучиле да ја препливаат реката.
