Вознемирувачко видео објавено на социјалните мрежи предизвика бројни реакции, откако на него се гледа куче кое скокнува од петти кат на зграда во изградба во Гостивар.
Во објавата се тврди дека кучето претходно влегло во објектот барајќи засолниште од високите температури и дека било бркано, по што во паника се искачило до најгорниот кат, од каде што скокнало.
Авторот на објавата апелира до граѓаните да покажуваат поголема грижа кон бездомните животни и, доколку бидат сведоци на насилство врз нив, случаите да ги пријавуваат до надлежните институции, меѓу кои и Агенцијата за храна и ветеринарство.
Засега нема официјална потврда од надлежните институции за околностите под кои се случил настанот, ниту за тврдењата изнесени во објавата на социјалните мрежи.
