Кривична пријава е поднесена против 62-годишен жител на Свети Николе поради сомнение за затајување, откако, според пријавата, во период од три години противправно присвоил пари наплатени од граѓани за погребални услуги.
Од МВР информираат дека Надворешната канцеларија за криминалистичка полиција во Свети Николе поднела кривична пријава против Б.Д. (62), кој бил вработен во ЈП „Комуналец“ – Свети Николе.
Пријавениот работел како одржувач на водоводната мрежа, а со усна наредба бил распореден како инкасатор во Градскиот пазар, каде што наплатувал сметки за вода и погребални услуги.
Според сомнежите, во периодот од декември 2022 до декември 2025 година, тој противправно присвоил вкупно 82.180 денари, кои ги наплатил од граѓани по основа на сметки за погребални услуги.
Против него е поднесена кривична пријава за кривично дело „затајување“.
