Гласачките места на изборите во Косово се затворени во 19 часот. Два часа претходно, на улиците и приодите кон избирачките места имало забележителна мобилизација и раздвиженост на гласачи, пренесува „Спутник“ повикувајќи се на косовските медиуми.
Досегашниот премиер Рамуш Харадинај, кој истовремено е и кандидат за премиер на коалицијата ААК-ПСД, рече откако се затворија гласачките кутии дека неговата партија расте. „Ние гледаме раст на ААК, но сè уште не можеме да ги објавиме резултатите. Фактот за најгоелмата излезност е доказ дека вреди да се врати мандатот на народот “, рече Харадинај. Тој беше промотор на овие предвремени избори, откако поднесе оставка пред три месеци, по повикот да сведочи во Хашкиот трибунал. „Три моменти што треба да се потенцираат се дека Косово покажа политичка зрелост, изборите поминаа на најдобар можен начин“, рече Харадинај. „Вреди да се напомене дека овој пат се гласаше само со косовски документи “, рече тој.
Гласачките места беа отворени од 7 до 7 часот во 38 косовски општини. Гласањето се одвиваше во 895 избирачки центри со вкупно 2.547 избирачки места и околу 1,9 милиони избирачи со право на глас.
Одѕивот беше највисок до сега, 44,9 проценти. за нарушување на изборниот процес биле приведени дваесетина лица.
