Хирургот Џереми Корнел од Тексас е уапсен за кражба на тестиси од десетици пациенти додека вршел операции.
Корнел (41) работел како уролог во болниците низ Тексас 13 години, за да дојде во болница во Хјустон во април 2018 година. По тригодишна истрага, Сојузното биро за истраги на САД (ФБИ) успеа да утврди дека Корнел незаконски крадел по еден тестис од секој пациент додека извршувал деликатни операции кај мажи кои страдаат од состојби поврзани со мочниот меур, уретрата или бубрезите.
За да ги украде тестисите, Корнел за време на операциите им велел на медицинските сестри и болничарите дека можат да ја напуштат салата или ги терал да извршат измислена задача. Некои сестри рекоа дека тој едноставно ќе ги испрати на кафе или да донесат некои лекови што всушност не постојат.
– Инспекторите веруваат дека хирургот продавал органи и биле многу изненадени кога пронашле десетици тестиси во тегли за време на претресот во домот на Корнел, изјави портпаролот на ФБИ, Томас Пери.
