Министерот за надворешни работи, Бујар Османи, смета дека средбата на холандскиот амбасадор во Македонија Дирк Јан Коп со лидерот на ДУИ, Али Ахмети била со цел да се побара поддршка од партијата за борбата против корупцијата. Одговарајќи на новинарски прашања, Османи кажа дека има разлики помеѓу неговите и размислувањата на амбасадорот.
„ДУИ најмногу зборува за борбата против корупцијата, затоа се бара поддршка од ДУИ. Во моите разговори со холандскиот амбасадор имаме две концептуални разлики. Тој смета дека ние можеме да постигнеме европски стандард за владеење на право без ЕУ. Јас сметам дека ние не можеме да постигнеме европски стандард, туку банкалски стандард за владеење на право. Тоа не можеме без преговори“, рече Османи.
Тој кажа дека олигархијата има влијание во државниот систем.
„Блокирањето на нашиот пат кон ЕУ е директна причина што немаме европски стандард. Мислам дека тука има многу сиви зони. Има една разлика, тоа е дека ставот дека има политичко влијание во судството, од наша страна сметаме дека олигархијата има влијание во критични точки во системите во државата кои се многу поопасни од било кое политичко влијание“, додава Османи.
Холандскиот амбасадор „удри“ по Ахмети за политичко влијание при разрешување на Беса Адеми, ДУИ возврати за да го одбрани
Амбасадорот на Кралството Холандија во земјава, Дирк Јан Коп, имал средба со лидерот на ДУИ, Али Ахмети. Се зборувало за владеењето на правото, но и за случувањата поврзани со претседателката на Врховниот суд, Беса Адеми, која е на чекор до разрешување по постапката од Судскиот совет.„Амбасадорот Дирк Јан Коп се сретна со лидерот на ДУИ, Али Ахмети, за да ја пренесе пораката дека по две години постојан пад на владеењето на правото, посветеноста на Северна Македонија за членство во ЕУ е загрозена низ целиот политички спектар. Исто така, неприфатливо е несоодветно политичко влијание врз позицијата на претседателот на Врховниот суд, што е судска работа и ќе предизвика силна реакција од Холандија“, пишува Холандската амбасада за средбата на Јан Коп со Ахмети.На ова возврати ДУИ.„Законот за ветинг за судиите, обвинителите и политичарите е подолго време во Собранието, но ЕУ првично имаше резерви во овој процес, повикувајќи се на примерот со Република Албанија. Што се однесува до Врховниот суд, Ахмети истакна дека во надлежност на Судскиот совет е да постапува според законите. Според извештаите, до денес имало повеќе дисциплински постапки и во нивна надлежност е да постапуваат согласно законот и без било каков внатрешен или надворешен притисок“, се вели во соопштението од ДУИ.
Македонија | пред 2 години
