Холивудскиот актер Кори Фелдман итно хоспитализиран по лет од Чикаго

Американскиот актер Кори Фелдман итно бил хоспитализиран откако му се слошило за време на летот од Чикаго до Лос Анџелес.

— реклама —

54-годишниот актер, најпознат по улогите во филмовите „The Goonies“ и „Stand By Me“, бил пренесен во болница веднаш по слетувањето на авионот во понеделникот попладне.

Фелдман подоцна се огласи на социјалната мрежа X за да ги смири своите обожаватели.

— реклама —

„Ви благодарам на сите за грижата и поддршката. Беше навистина застрашувачки и точно е, во болница сум. Но, мислам дека ќе бидам добро, сите досегашни резултати изгледаат во ред. Ќе ве известам штом дознаам нешто повеќе“, напиша актерот.

— реклама —

Според TMZ, лекарите се сомневаат дека станува збор за панкреатитис (воспаление на панкреасот) или за жолчни камења. Наводно, на Фелдман му се слошило за време на летот, а меѓу патниците имало лекар кој веднаш му укажал прва помош.

Фелдман се враќал од Чикаго, каде што присуствувал на одбележувањето на 40-годишнината од култниот филм „Stand By Me“, заедно со своите колеги Џери О'Конел и Вил Витон.

Кори Фелдман беше една од најголемите детски ѕвезди во 80-тите години, а покрај актерската кариера, во последните години стана познат и како активист кој јавно проговори за злоупотребите во холивудската индустрија.