Денес во Домот на АРМ ќе се одржи крводарителска акција посветена на хуманоста и делото на нашата музичка ѕвезда Тоше Проески, кој засекогаш ќе го паметиме како симбол на хуманост.
Оваа крводарителска акција традиционално секоја година ја организира Црвениот крст со поддршка на Институтот за Трансфузиона медицина. До сега преку овие крводарителски акции се собрани над 6.000 единици крв. Особено охрабрувачки е големиот број млади и првократни крводарители кои активно се вклучуваат, инспирирани од пораките што ги пренесуваше Тоше.
