Градежната активност во земјава бележи значителен раст, покажуваат податоците за јуни 2026 година. Во текот на месецот биле издадени 296 одобренија за градење, што е за 39 отсто повеќе во споредба со истиот период минатата година.
Вкупната предвидена вредност на објектите достигнува 103,5 милиони евра, односно е за 31 отсто повисока во однос на јуни 2025 година. Од издадените одобренија, 200 се однесуваат на високоградба, 26 на нискоградба, а 70 на реконструкција.
Во рамките на планираните проекти е предвидена изградба на 754 станови со вкупна корисна површина од 64.266 квадратни метри. Најголем број се двособни и трособни станови – 267 се со две, а 214 со три соби. Дополнително, се планирани 116 четирисобни, 79 еднособни и 33 петсобни станови.
Најмногу одобренија во јуни се издадени во Полошкиот Регион – 70. Сепак, според предвидената вредност на градежните работи, предничи Скопскиот Регион, каде што инвестициите достигнуваат 3,48 милијарди денари.
Од вкупно 296 одобренија, 218 се за објекти чии инвеститори се физички лица, додека 78 се однесуваат на деловни субјекти.
Иако физичките лица имаат поголем број одобренија, деловните субјекти учествуваат со најголем дел од предвидената инвестиција. Од вкупните 6,36 милијарди денари, речиси 5 милијарди денари се однесуваат на инвестиции на деловни субјекти, додека кај физичките лица предвидените инвестиции изнесуваат околу 1,37 милијарди денари.
