„За Алта банка Савески да почне од Мицкоски и Славески – сметките и трансакциите мора да се испитаат веднаш“, вели СДСМ

СДСМ преку соопштение бара од новиот обвинител Љупчо Коцевски да отвори истрага за влезот на Алта банка во Македонија, при што, според партијата, проверките треба да започнат од премиерот Христијан Мицкоски и гувернерот на Народната банка, Трајко Славески.

— реклама —

Од СДСМ бараат да се испитаат сите околности поврзани со влезот на банката, потеклото на капиталот, донесените одлуки, како и тоа кој ги одобрил и врз основа на што. Партијата бара да се утврди и што било разговарано со српскиот претседател Александар Вучиќ и со Мацура.

— реклама —

Од опозициската партија сметаат дека обвинителството не треба да чека политички сигнали или јавни повици од премиерот, туку самостојно да постапува. Според нив, ваквиот начин на работа ја нарушува независноста на правосудството и ја намалува довербата на граѓаните.

СДСМ бара веднаш да бидат обезбедени и проверени сметките, трансакциите и целокупната документација на Алта банка, а обвинителството и полицијата да ја информираат јавноста за утврдените наоди.

— реклама —

Партијата предупредува дека најавената продажба не смее да послужи како начин за прикривање на евентуални неправилности или избегнување одговорност. Од СДСМ упатуваат повик до обвинителот да ги повика сите инволвирани и да ги испита нивните улоги во процесот.

— реклама —

Во соопштението, СДСМ оценува дека обвинителите одговорност имаат пред граѓаните и бара постапката да се води независно од политичките интереси.