За два дена 1.322 сообраќајни прекршоци, 32 лица уапсени

Засилените сообраќајни контроли на полицијата во изминатите два дена резултирале со 1.322 констатирани прекршоци на патиштата низ државата, соопшти МВР.

— реклама —

Најголем дел од санкциите, односно 400, се однесуваат на возачи кои ја надминале дозволената брзина. Во истиот период 32 лица биле лишени од слобода поради безобѕирно управување со возило, меѓу кои тројца за возење под дејство на алкохол и 15 за управување без возачка дозвола.

— реклама —

Полицијата одзела и 13 возила согласно член 300-б од Кривичниот законик. Дополнително, регистрирани се 302 прекршоци за неправилно паркирање и 16 санкции за возење под дејство на алкохол.

— реклама —

Санкционирани се и 106 мотоциклисти поради неносење заштитен шлем, како и 67 учесници во сообраќајот кои не користеле сигурносен појас. Од сообраќај биле отстранети осум нерегистрирани и две технички неисправни возила.

Контролите продолжуваат и во наредните денови, а МВР апелира до сите учесници во сообраќајот да ги почитуваат правилата и прописите за поголема безбедност на патиштата.