За два дена 5.514 прекршоци од странски возила регистрирал “Безбеден град”, над 310 илјади прекршоци се направени откако е пуштен во употреба

Од почетокот на функционирањето на системот „Безбеден град“ до 20 август 2026 година се евидентирани вкупно 310.865 сообраќајни прекршоци, соопшти Министерството за внатрешни работи.

— реклама —

Убедливо најголем дел од прекршоците се однесуваат на управување со брзина поголема од дозволената. Од МВР информираат дека во периодот од 2 февруари до 20 август биле регистрирани 301.835 вакви прекршоци.

— реклама —

Значителен е и бројот на прекршоци направени од возила со странски регистарски ознаки.

Според официјалните податоци, од почетокот на функционирањето на системот досега се евидентирани вкупно 180.378 прекршоци направени од странски возила.

— реклама —

Само во периодот од 19 до 20 август биле регистрирани уште 5.514 прекршоци од возила со странски таблички.

Податоците доаѓаат во период кога на граничниот премин Табановце веќе се применува механизам за проверка и санкционирање на странските возачи кои претходно направиле прекршок евидентиран од „Безбеден град“.