За Османи нема ништо спорно со поставувањето на албанското знаме во Охрид: Може да се постави насекаде

Вицепремиерот Бујар Османи вчера за време на гостувањето на ТВ 21 рече дека албанското знаме може да се постави каде било и дека тоа е дозволено со закон.

— реклама —

Инцидентот што се случил пред 3 дена со поставувањето на албанско знаме на Самоиловата тврдина во Охрид предизвика голем број на рекации. Едно од лицата што го постави знамето беше казнето и протерано од Македонија со забрана за влез од 5 години. Тоа лице, Ѓерг Прекоцај потоа за албанска новинаска агенција изјави дека Охрид е албански град и дека тој од тоа нема никогаш да се откаже.

— реклама —

Се јави и претседателот на Собранието Талат Џафери кој рече дека казната била престрога затоа што се работело за фолклорна група која снимала видео.

— реклама —

Реагираше и Алијансата за Албанците кои соопштија дека се загрижени во врска со реакцијата на Секторот за внатрешни работи-Охрид, бидејќи според нивни информации, двајца членови на фолклорна група од Косово, биле притворени од страна на полицијата поради поставувањето на албанското знаме на Самоиловата тврдина во Охрид.

— реклама —

Се јавија и бугарски историчари кои го осудија овој чин затоа што се работело за тврдината на бугарскиот цар Самоил.