За Помпео чибук со Охридски Бисер и манжетни, а за сопругата Сузан бисерен ѓердан и обетки

Државниот секретар на САД, Мајк Помпео, при вчерашната посета на Охрид доби чибук со Охридски Бисер и манжетни, а неговата сопруга Сузан бисерен ѓердан и обетки. И овој пат подароците ги изработија од семејството Филеви кои го изработуваат препознатливиот Охриски бисер.

— реклама —

Помпео вчера имаше средби со македонскиот државен врв, а вечерта замина за Грција.

Посебна чест и задоволство ми претставува денешната посета на Музејот на Охридскиот Бисер Филеви Т.М.1928 на високата делегација на САД предводена од Секретарот Г-Дин Мајк Помпео во придружба на неговата сопруга Г-ѓа Сузан Помпео.Каде се запозна со техниката,Богатата музејска содржина,традицијата,историјата преку вештините на дел од изработката на овој редок занает тајна заштитен Бренд како посебен културен елемент на Охрид.Во оваа пригода од името на Македонските граѓани,семејството Филеви и Америkaнската амбасада за Г-Дин Мајк Помпео изработивме посебен Чибук во дрвена интарзија со Охридски Бисер и манжетни,за Г.ѓа Сузан Помпео посебен ѓердан со обетки Охридски Бисер, напиша на својот профил Михајло Филев, изработувач на Охридскиот бисер.

фото: Михајло Филев ФБ