За шест часа 102 казни за пребрзо возење во Скопје

Вкупно 102 санкции за возење со брзина поголема од дозволената изрекла полицијата при акциска контрола спроведена вчера во Скопје.

— реклама —

Контролата ја реализирало Одделението за безбедност на патниот сообраќај при СВР Скопје на 11 октомври, во периодот од 14 до 20 часот.

— реклама —

— реклама —

Покрај казните за пребрзо возење, полициските службеници изрекле уште три мерки за други прекршоци според Законот за безбедност на сообраќајот на патиштата. Санкциониран бил и возач кој управувал возило без возачка дозвола, против кого ќе биде поднесена кривична пријава според член 297-а од Кривичниот законик.

— реклама —

Од полицијата посочуваат дека сите што ги прекршуваат сообраќајните правила ќе се соочат со законски предвидените глоби. Контролите ќе продолжат и во наредните денови, а до учесниците во сообраќајот е упатен апел да ги почитуваат прописите и да придонесат за поголема безбедност на патиштата.