За шест часа санкционирани 166 пешаци: 137 преминувале улица надвор од пешачки премин

Полицијата вчера санкционирала 166 пешаци за непочитување на сообраќајните правила во рамки на контролата спроведена на територијата на целата држава.

— реклама —

Од Министерството за внатрешни работи информираат дека контролата била реализирана на 17 август, во периодот од 9 до 15 часот, со цел санкционирање на прекршоците што ги прават пешаците.

— реклама —

Од вкупно санкционираните 166 пешаци, дури 137 биле казнети поради небезбедно преминување на улица надвор од обележан пешачки премин.

Во текот на контролата биле санкционирани и 167 други сообраќајни прекршоци.

— реклама —

МВР најавува дека сообраќајните контроли ќе продолжат и во наредните денови и апелира до граѓаните доследно да ги почитуваат сообраќајните правила и прописи.

— реклама —

Од Министерството особено потсетуваат дека пешаците треба да го преминуваат коловозот исклучиво на обележан пешачки премин, бидејќи непочитувањето на правилата ќе биде санкционирано.