„За случувањата во Гостивар СДС правилно да ја лоцира одговорноста и да побара оставка и кривична одговорност од Лимани“, вели ВМРО-ДПМНЕ

ВМРО-ДПМНЕ преку соопштение ја обвини СДСМ дека ја насочува јавноста кон погрешни адреси во врска со случајот со загадената вода во Гостивар и порача дека одговорноста треба да се бара од локалната власт.

— реклама —

Од партијата велат дека водоводните системи и контролата на квалитетот на водата за пиење се во надлежност на општините, поради што сметаат дека најголема одговорност има градоначалникот на Гостивар, Валбон Лимани.

— реклама —

„Ако СДС навистина сака да повика на одговорност за случувањата во Гостивар, тогаш треба да ја лоцира таму каде што се наоѓа – кај луѓето кои ги поддржа и кои се дел од локалната власт“, наведуваат од ВМРО-ДПМНЕ.

— реклама —

Во реакцијата партијата оценува дека СДСМ со денови создава забуна во јавноста околу надлежностите за водоснабдувањето, обвинувајќи ја опозициската партија за двојни стандарди затоа што, според нив, не бара оставка и кривична одговорност од градоначалникот Лимани.

— реклама —

Од ВМРО-ДПМНЕ додаваат дека СДСМ на последните локални избори јавно го поддржала Валбон Лимани и затоа, според нив, треба одговорноста да ја бара во сопствените редови.