„За што Мицкоски бара референдум?“, пратеник од СДСМ го кажа ставот на власта

Ненад Коциќ, пратеник на СДСМ, смета дека ако се организира референдум од опозицијата, тој ќе биде против македонски јазик во ЕУ. Според него, Мицкоски тоне и сака да ги повлече граѓаните.

— реклама —

— реклама —

— реклама —

„Сите лаги на Мицкоски и ВМРО-ДПМНЕ и Левица паднаа во вода. Затоа што не се менува ниту идентитетот, не се преговара ниту за јазикот, ниту за идентитетот ниту за историско -образовните и културните посебности, а и историските прашања не се дел од преговорите со ЕУ. Повеќе од две недели ги лажеа граѓаните, ги хушкаа и предизвикуваа да прават тензии и немири со цел да нема почеток на преговори со ЕУ со единствена цел борба за власт, без никаква реформа во нивната партија, со криминална матрица каква што беа и сеуште се. Јас ќе поставам едно реторичко прашање, за што Мицкоски бара референдум? Пред неколку денови Собранието донесе заклучоци со кои се задолжува Владата, оваа и секоја идна, да во текот на преговорите со ЕУ нема да смее да преговара за македонскиот јазик, идентитет и историја, а билатералните прашања да не бидат дел од преговарачката рамка. Дали ова им смета на ВМРО-ДПМНЕ и Мицкоски? Дали се против на она што го донесовме како заклучоци во Собранието со што ја обврзуваме Владата?“, вели Коциќ.