За викенд изречени 1.426 казни во сообраќајот, приведени 64 возачи

Во засилените сообраќајни контроли спроведени во текот на изминатиот викенд (11 и 12 јули), полициските службеници низ државата евидентирале вкупно 1.426 сообраќајни прекршоци, а 64 лица биле лишени од слобода поради безобѕирно управување со моторно возило.

— реклама —

Според Министерството за внатрешни работи, најголем дел од прекршоците – 455, се однесуваат на непочитување на дозволената брзина на движење.

Од приведените возачи, 11 управувале возило под дејство на алкохол, 27 возеле без возачка дозвола, по едно лице било лишено од слобода поради возење со брзина поголема од дозволената во населено место и надвор од населено место, додека едно лице управувало возило и покрај претходно изречената забрана.

— реклама —

Во истиот период, согласно член 300-б од Кривичниот законик, одземени се 22 возила.

— реклама —

Полициската статистика покажува и 187 санкции за неправилно паркирање, како и 61 казна за возење под дејство на алкохол.

Покрај тоа, санкционирани се 126 мотоциклисти поради неносење заштитен шлем, 150 возачи и патници затоа што не користеле сигурносен појас, а од сообраќај биле исклучени 24 нерегистрирани и седум технички неисправни возила. Казнети се и двајца возачи поради непочитување на прописите за затемнување на стаклата на возилата.

— реклама —

Од МВР најавуваат дека засилените сообраќајни контроли ќе продолжат и во наредниот период, со апел до сите учесници во сообраќајот да ги почитуваат правилата и прописите за поголема безбедност на патиштата.