За викендот приведени 34 возачи поради безобѕирно управување

Во текот на изминатиот викенд, од 31 јули до 3 август, полициски службеници на целата територија на државата лишиле од слобода вкупно 34 лица поради сомнение за сторено кривично дело „безобѕирно управување со моторно возило“, предвидено во член 297-а од Кривичниот законик.

— реклама —

Според информациите од Министерството за внатрешни работи, 23 од приведените управувале возило без возачка дозвола, деветмина биле затекнати зад воланот под дејство на алкохол, едно лице управувало нерегистрирано возило без возачка дозвола, додека едно лице било фатено како вози без возачка дозвола и под дејство на алкохол.

— реклама —

— реклама —

По целосното документирање на сите случаи, против лицата ќе бидат поднесени соодветни кривични пријави.

— реклама —

Од МВР повторно апелираат до граѓаните строго да ги почитуваат сообраќајните правила, да не управуваат возило без возачка дозвола или доколку им е изречена забрана за управување, како и никогаш да не седнуваат зад воланот под дејство на алкохол, нагласувајќи дека одговорното однесување е клучно за поголема безбедност на сите учесници во сообраќајот.