За викендот приведени 34 возачи поради безобѕирно возење

Во текот на изминатиот викенд, од 31 јули до 3 август, полициски службеници на територијата на целата држава лишиле од слобода 34 лица поради кривичното дело „безобѕирно управување со моторно возило“, соопшти Министерството за внатрешни работи.

— реклама —

Од приведените, 23 лица управувале возило без возачка дозвола, деветмина возеле под дејство на алкохол, едно лице управувало нерегистрирано возило и без возачка дозвола, додека едно лице возело без возачка дозвола и под дејство на алкохол.

— реклама —

— реклама —

Од МВР информираат дека по целосното документирање на случаите, против сите лица ќе бидат поднесени соодветни кривични пријави.

— реклама —

Министерството повторно апелира до сите учесници во сообраќајот да ги почитуваат сообраќајните правила и прописи, да не управуваат возило без возачка дозвола, со изречена забрана за управување или под дејство на алкохол, нагласувајќи дека одговорното однесување е клучно за поголема безбедност на патиштата.