Полициски службеници од СВР Охрид го лишиле од слобода Р.С. (26) од Скопје, откако физички ја нападнал својата поранешна девојка додека бил на отсуство од Казнено-поправната установа Затвор Идризово.
Како што информира Министерството за внатрешни работи, инцидентот се случил на 5 август околу 15:50 часот во Охрид. Р.С., кој издржува затворска казна од пет години во Затворот Идризово, за време на користење на одобрено отсуство се сретнал со поранешната партнерка, по што физички ја нападнал.
По целосното документирање на случајот, против него ќе биде поднесена соодветна пријава.
