Полицијата во Долнени приведе 25-годишен жител на селото Лажани, откако при сообраќајна контрола било утврдено дека управувал автомобил без да поседува возачка дозвола.
Од МВР информираат дека на 6 септември во 12:30 часот, во селото Ропотово, општина Долнени, полициски службеници од Полициското одделение Ропотово го лишиле од слобода Е.М. (25) од Лажани.
При контролата било запрено патничко возило „ауди“ со прилепски регистарски ознаки, кое го управувал 25-годишникот. Притоа било констатирано дека тој немал возачка дозвола.
По целосното документирање на случајот, од МВР најавуваат дека ќе следува соодветен поднесок.
