Српските медиуми ги објавија хонорарите на балканските ѕвезди за новогодишната ноќ. Сумите се движат од 30.000 до 100.000 евра.
Според „Курир.рс“, најмногу ќе добијат Здравко Чолиќ и Дино Мерлин.Чола ќе пее во Будва, а Дино Мерлин на плоштадот во Скопје. Задоволството да не забавува Мерлин за најлудата ноќ ќе не чини 100.000 евра.
Организатор на настапот на Мерлин е Град Скопје. Градоначалникот Петре Шилегов на промоцијата изјави дека неговата упорност била пресудна Мерлин да се согласи за Нова година да пее во Скопје. Тогаш Шилегов нагласи дека целата сума за хонорарот на Мерлин, ќе биде платена од спонзори.
Фото: Архива
