Претседателот на СДСМ Зоран Заев денеска реагирајќи на одредени најави на ВМРО-ДПМНЕ за укинување на Договорот од Преспа со Грција истакна дека тоа ќе биде опасно и може да ја врати земјата 25 години назад.
„Каракамишева побара поништување на Договорот од Преспа и уставните амандмани за промена на името. Дали Мицскоси и ВМРО-ДПМНЕ се свесни што ќе се случи ако се укине или промени Преспанскиот договор? Тоа би не вратило 20 години наназад. Тоа ќе значи укинување на членство во НАТО, ЕУ перспективата. Без Договорот од Преспа ќе исчезне поддршката од нашите стратешки партнери. Владата од СДСМ во последните две години успеа да преговара со Грција за овој договор, како наш европски успех признаен како пример за светот. Тука е целата демократска јавност, со сите политички капацитети, да гарантираме дека Договорот од Преспа ќе живее. ВМРО-ДПМНЕ да престане со тезите за укинување на Преспанскиот договор. Доста чекоревме назад, нашиот пат е напред“, порача Заев.
фото: Архива
